Барлық мақалдар

Т әрпінен басталатын мақалдар

• Табақ асымен жарасты, кәрі жасымен жарасты
• Табақ тамағымен жарасты, батыр жарағымен жарасты
• Табалдырықтан биік тау жоқ
• Табаны қышыған ит керуенге өреді
• Табиғат жер байлығы, батырлар ел байлығы
• Табы бірдің - тәңірі бір
• Табын - табын малыңмен емес, қатар - қатар қосыңмен емес - ақ адал досыңмен мақтан
• Тағдыр - тәңірдің ісі
• Таз ашуын тырнаумен алады
• Таз таранғанша той тарқар
• Таз таранғанша, той тарқайды
• Таза болсаң, судай бол бәрін жуып кетірген. Жақсы болсаң, жердей бол бәрімізді өсірген
• Тазалығы қатынның тарағынан белгілі. Батырлығы батырдың жарағынан белгілі
• Тазалық - саулық негізі, саулық - байлық негізі
• Тазша бір іс істейді, құдай оны қолдаса
• Тай атқа, ат мұратқа жеткізер
• Тай мінген балаға жарасар
• Тай тулап үйірінен кетпес
• Тақ пен бақ егіз
• Тақыр жерге су төксең, жүруге тайғақ болар; жаманға сырыңды айтсаң, тар жерде айғақ болар
• Талабы жоқ жас - қанаты жоқ құс
• Талабы жоқ жас ұлың жалыны жоқ шоқпен тең
• Талабы таудай
• Талап - талмас қанат
• Талапты бала талпынған құстай, құмары қанбас биікке ұшпай
• Талапты ерге нұр жауар
• Талаптыға нұр жауар
• Талқы - елге пайда, тамшы - жерге пайда
• Талтаңдасаң талтаңда, ақшаң болса қалтаңда
• Тамақ тоқ, көйлек көк
• Тамақтан өткеннің бәрі тамақ
• Тамұқты көрмеген ұжмақтың қадірін білмейді
• Тамыр тартқан - тарықпас
• Тамыры берген түйеден, тәңір берген тоқты артық
• Танымайтын жердің ой-шұқыры көп
• Танымас, танымасын сыйламас
• Таң атайын демейді күн қоймайды, күн батайын демейді түн қоймайды
• Таң атпайын десе де, күн қоймайды
• Таң атпайын десе, күн қоймайды
• Таң атпайын десе, күн қоймайды, өтірікті қуалап, шын қоймайды
• Таңбасыз тай, енсіз қой болмайды
• Таңғы асты тастама
• Таңғы нәсіп - тәңірден
• Таңдаған тазға жолығады
• Тар жерде табысқан, кең жерде келіседі
• Тар киім - тозғақ
• Тар киім тез тозады
• Таразыдан жеген бақа болады
• Тарта жесең, тай қалар, қоя жесең, қой қалар, қоймай жесең, не қалар?
• Тары түйіп көже асқан - тапшылықтың белгісі, кісен сап, ат байласқан сақшылықтың белгісі
• Тас әулие, тастай жанды балқытатын ас әулие
• Тас қадақ болғанмен тамақ болмайды
• Тас құмыра тамшыдан толады
• Тас түскен жеріне ауыр
• Таспа, тасыған су да қайтар
• Таспен атқанды аспен ат
• Таспен атқанды аспен ат. Асты түскен кезінде жейді. Егінді піскен кезінде орады
• Таспен ұрғанды, аспен ұр
• Таста тамыр жоқ, төреде бауыр жоқ
• Тастай батып, судай сіңді
• Тасты бассаң кетілер, сазды бассаң жетілер
• Тасын ала берсе, тау да таусылады
• Тату болсаң, табақ қатынайды
• Тату үйде тақсырет болмас
• Тату үйдің тамағы тәтті
• Татуға - тіл, сұлуға - сұқ
• Татулық табылмас бақыт
• Тау айналмайды, тас айналады
• Тау баласы тауға қарап өседі (Тұманбай)
• Тау белгісі тас болар, бай белгісі ас болар, азған елдің белгісі - біріне-бірі қас болар
• Тау бұлағымен сәнді, көл кұрағымен сәнді
• Тау кезеңсіз болмас, өлке өзенсіз болмас
• Тау мен тасты су бұзады, адамзатты сөз бұзады
• Тау мен тасты су бұзады, азаматты сөз бұзады
• Тау мен тасты су бұзар, екі досты сөз бұзар
• Тау мен тастысел бұзар, адам затты сөз бұзар
• Тауға сүйенген таудай пәледен аман қалады
• Тауда туған құлынның екі көзі таста, ашаршылықта туған баланың екі көзі аста
• Таудай талап бергенше, бармақтай бақ бер
• Таудың басын көр де, түбіне барма; жақсының өзін көр де, үйіне барма
• Таудың биіктігін төбе аңғартады, маяның биіктігін көде аңғартады
• Таудың жолына түспе, жаудың қолына түспе
• Таулы жер бұлақсыз болмас, сулы жер құрақсыз болмас
• Таулы жердің қыраны көп
• Таумен тасты су бұзар, ел арасын қу бұзар
• Тауы жоқ болса, тасқа қорлық. Жеушісі жоқ болса, асқа қорлық
• Тауық түсінде тары көрсе, түлкі түсінде тауық көреді
• Тауықтың түсіне тары кіреді
• Тауына қарай тоғайы, шошқасына карай торайы
• Тауына қарай тоғайы, шошқасына қарай торайы
• Тауындағы түлкіні бабындағы бүркіт ғана алады
• Таяқ тайға жеткізер, тай құнанға жеткізер
• Таяқтың екі ұшы бар
• Тәні саудың - жаны сау
• Тәнім - жанымның садағасы, жаным - арымның садағасы
• Тәңір асыраған тоқтысын қасқыр жемейді
• Тәңірі асыраған тоқтыны қасқыр жемейді
• Тәрбие - тәртіптің құлы, тәртіпті - елдің құлы
• Тәттіден де тәтті тіл, ащыдан да ащы тіл
• Тәуекел - көзсіз батылдық
• Тәуекел ет те, тас жұт, ажал жетпей өлмек жоқ
• Тәуекел ет те, тас жұт, ажалың - Алладан
• Тәуекел тау жығады
• Тәуекелсіз іс бітпейді, тәуекел етпеген арықтан өтпейді
• Тәуелсіздің тынысы тарылмайды, тәуелдінің ырысы жарымайды
• Тегі жаман тойда тонын сұрар
• Тегі жаман тойда: тонымды бер! - дер
• Тегінде бар тегі озар
• Тек жүрсең - тоқ жүресің
• Тек жүрсең, тоқ жүрерсің
• Тексіз адам қонағына тесіле қарайды
• Тексіздік - тілсіздіктен
• Тектімен достас, тексіз доспен қоштас
• Телміріп алған теңгеден, тер төгіп тапқан теңге жұғымды
• Темірді қызған кезде соқ
• Темірді от, ағашты мөр, адамды сөз балқытады
• Тентек - жұртқа тентек, өзіңе мақұл
• Тентек - жұртқа теріс, өзіне дұрыс
• Тентек молда - телмірген өгіз
• Тентек шоқпар жинайды
• Тентекке тіл жаңғырады
• Тентекті тентек десең, бөркі қазандай болады
• Тентектің есі-дерті - бұзу, текенің есі-дерті - сүзу
• Тең теңімен, тезек қабымен
• Теңге - тиыннан, ынтымақ - ұйымнан
• Теңге тиыннан өсер, жылқы құлыннан өсер
• Теңін тапса, тегін бер
• Тер шықпаған аурудан дерт шықпайды
• Терек - жапырағымен, денең шүберегімен сұлу
• Терең құдықтың суы тәтті
• Тесік моншақ жерде қалмайды
• Тесік моншақ жерде қалмас
• Тисе терекке, тимесе бұтаққа
• Тоғай аралаған үйші болады
• Тоғыз жолдың торабы сайрақ
• Тоғыз қабат торқадан, тоқтышағымның терісі артық
• Тоғыз қатынның толғағы бір келді
• Тозған елді там жияр
• Тозған қазды топтанған қарға алады
• Той - тәңірдің қазынасы
• Той - тоқшылық нышаны
• Той әнмен ажарлы, өлім өксумен азалы
• Той десе, қу бас домалайды
• Той қызығы - көкпар
• Той сылтауымен тон бітер
• Той сылтауымен тон бітті
• Той тамағы - тәтті
• Той тарқағанда қынаңды төбеңе қой
• Той тондыға жарасады, ас аттыға жарасады
• Тойға барған да арманда, бармаған да арманда
• Тойға барсаң, бұрын бар, бұрын барсаң, орын бар
• Тойға барсаң, тойып бар, бар жұмысты қойып бар
• Тойға барсаң, тойып бар, жамандығыңды қойып бар
• Тойған ас түске жетпес, пейіл естен кетпес
• Тойған қыз төркінін танымас
• Тойған үйге тоғыз кел
• Тойда тоқал тыйылады
• Тойда тоныңды сұрама
• Тойда төрелік, ойында өрелік жоқ
• Тойдың болғанынан, боладысы қызық
• Тойдың тамашасын бақпа, тағылымын бақ
• Тоймай ішкен асың құрысын
• Тоймай ішсең, көршіңнің көңілін аулайсың. Тойып ішсең, бұтаның түбін аулайсың
• Тойсаң тоба қыл
• Тоқ адамды ұйқы басады, аш адамнан ұйқы қашады
• Тоқ қонақты сыйлау оңай
• Тоқал ешкі мүйіз сұраймын деп құлағынан айырылыпты
• Тоқал ешкі мүйіз сұраймын деп құлақтан айырылыпты
• Тоқал ешкі мүйіз сұраймын деп сақалынан айрылыпты
• Тоқпағы күшті болса, киіз қазық жерге кірер. Тоқалы күшті болса, бәйбіше байдан безер
• Тоқсан ауыз сөздің тобықтай түиіні бар
• Тоқсан ауыз сөздің тобықтай түйіні бар
• Тоқты сойған тоқалдар, шөміш алып қоқаңдар
• Тоқты тоймас, шөміш кеппес
• Тоқтығында жараспаған, аштығында қараспайды
• Тоқтылы қойлық зықысы шығыпты
• Толықсып аққан дария - мейірбанды қария
• Топ көрмеген - қорғаншақ, топта озбаған - қызғаншақ
• Топтанып ұшқан торғайға тұрымтай да бата алмас
• Торғай жаңбыр жауса баласын қорғар, бұршақ жауса, басын қорғар
• Торғай жаңбыр жауса, баласын қорғайды; бұршақ жауса, басын қорғайды
• Торғай жаңбыр жауса, баласын қорғар
• Торқалы той, топырақты өлім
• Торқалы той, тұмарлы жүйрік
• Тоты құс бойына қарап зорланады, аяғына қарап қорланады
• Төбелеске бергісіз араша бар, ағайынға бергісіз жанаса бар
• Төре - төр иесі
• Төренің тілі тәтті, діні қатты
• Төркін десе - қыз төзбейді, көкпек десе - түйе төзбейді
• Төркінге сенгеннің төбесі тесік
• Төркіні жақынның төсегі жиылмас
• Төркініне сенгеннің төбесі - жарық
• Төрт аяқтыда бота тату, адам баласында бажа тату
• Төрт тұрманы түгел бай, тырнақтай тарту алады
• Төртеу түгел болса - алар, алтау ала болса - алдырар
• Төртеу түгел болса төбедегіні алады
• Төс - күйеудің, құймышақ - қыздың сыбағасы
• Төсекте бас қосылған, төскейде мал қосылған
• Төсектің тарлығы - тарлық, көңілдің тарлығы - қорлық
• Туа білмейді, жүре біледі
• Туа мүкіс жазылмас
• Туған ай - тураған етпен бірдей
• Туған ай, тураған етпен тең
• Туған да алтау едік, өле-өле жетеуміз
• Туған елің болмаса, тумай-ақ қойсын күн мен ай
• Туған жер - тұғырың, туған ел - қыдырың
• Туған жер - тұғырың, туған тіл - қыдырың
• Туған жер-алтын бесік
• Туған жерге туың тік
• Туған жерде пайда бар, өз жеріңдей қайда бар?
• Туған жердей жер болмас, туған елдей ел болмас
• Туған жердің ауасы да шипа
• Туған жердің ауасы да шипа, туған жердің жуасы да тәтті
• Туған жердің ауасы да шипа. Ит тойған жеріне, ер туған жеріне
• Туған жердің жуасы да тәтті
• Туған жердің жусаны жұпар
• Туған жердің күні де ыстық, түні де ыстық
• Туған жердің қадірін, шетте жүрсең білерсің
• Туған жердің тасы да таныс
• Туған жердің түйе жейтін жапырағы да, түйе аунайтын шаңдақ топырағы да дәрі
• Туғанда алтау едік, өле-өле жетеуміз
• Туғанына бұрғаны - биді құдай ұрғаны
• Тура биде туған жоқ, туғанды биде иман жоқ
• Тура тілді тия алмадым, туғаныма сия алмадым
• Туыс - атадан, көрші - Алладан
• Туысы бірдің - уысы бір
• Тұғырына саңғыған сұңқар оңбас, үйірінен қаңғыған тұлпар оңбас
• Тұлпар желіде танылады
• Тұлпар түбін табады
• Тұлпардың өз тұяғы өзіне дәрі
• Тұлпардың ізі бітпейді, тұяғы кетпейді
• Тұмау аяғы - құрт, тұман аяғы - жұт
• Тұсау ат сақтайды, ат ер сақтайды, ер ел сақтайды
• Тұттаған сөзді қолдаған, мұхаммедке үмбет емес
• Тұяқты тұяқ жібермейді
• Түгел сөздің түбі бір, сөз атасы - майқы би
• Түгел сөздің түбі бір, түп атасы майқы би
• Түгін тартса, түбінен май шығады
• Түз тағысы - табиғатпен тілдес
• Түйе - батыр, шөл даладан өткенде. Жігіт - батыр, еліне жау жеткенде
• Түйе - дала кемесі
• Түйе - түлік басы
• Түйе - түлік төресі
• Түйе атасы - нар, ағаш атасы - шынар
• Түйе бақтым - түйме тақтым
• Түйе бойына сеніп құр қалыпты
• Түйе көп болса, жүк симас
• Түйе көп болса, жүк сыймайды
• Түйе қартайғанда көшегіне ереді
• Түйе майы - түгел май, шұбатын кертіп іш
• Түйе мінген құдайға жақын
• Түйе сойған жиыннан тоқты сойған той артық
• Түйе тұзға келеді, жігіт қызға келеді
• Түйе тұзға келер, күйеу қызға келер
• Түйе ұрлаған да ұры, түйме ұрлаған да ұры
• Түйенің танығаны - жантақ
• Түймең түссе, түйедей әзіл айтады
• Түйін-түйін сырынды түбіңде келіп шын ашар
• Түйір нан - тамшы тер
• Түлкі алған итте сын болмас
• Түлкіні түлен түрткенде тойлы ауылға кездесер. Қасқырда қас қылмайды жолдасына
• Түн болма, күн бол
• Түңгі клубтың гүлі болғанша, бауырларыңа үлгілі бол
• Түріне қарама, қасиетіне қара
• Түс - түлкінің боғы
• Түске дейін мүйіз, түстен кейін киіз
• Түскі асқа түстік жерден келеді, кешкі асқа күндік жерден келеді
• Түстік өмірің болса, кештік білім жи
• Түсі келіспей, ісі келіспес
• Түсі тәуірден түңілме
• Түсініспесе, төрт түлік жат
• Тыймаған ауызда пәле бар
• Тымырсық болса, ер оңбас, тонға жатса мал оңбас
• Тынбаған дау жаман, қайта шапқан жау жаман
• Тыңдамаса - сөз жетім
• Тырнадан би қойсаң, басыңнан қиқу кетпейді
• Тыста ұзақ жүргенің - ұзақ өмір сүргенің
• Тышқан көп жылы - тоқшылық, қоян көп жылы - жоқшылық
• Тышқан көтін көріп жаралы болыпты
• Тігіншіні инесі асырайды
• Тіземнен сүріндірсең, сүріндір, тілімнен сүріндірме
• Тікен кірсе жаныңа тілмен сылап аларсың. Тікенектің зардабын гүлмен бұлап жазарсың
• Тікен өскен жерге тікенек шығады, гүл өскен жерге гүл шығады
• Тікеннен - гүл, заһардан - бал
• Тіл - буынсыз, ой - түпсіз
• Тіл - бұлбұл, сөз - бұлақ
• Тіл - бұлбұл, сөз бұлақ. (Шәкәрім)
• Тіл - достықтың алтын көпірі
• Тіл - елшінің қылышы
• Тіл - көңілдің кілті, көңілдің тілмәші
• Тіл - ойдың шындығы
• Тіл - өлшеусіз қазына, өрісі кең әлем. Тілден тілдің кеңдігі болмағанымен, кемдігі жоқ
• Тіл - тиексіз
• Тіл - тіліп түсер наркескен, сөз - өткір жебе тау тескен
• Тіл - ұлттың жаны
• Тіл - шекер, бала - кетер, байлық - бекер
• Тіл ақылдың - өлшемі
• Тіл дәмдіні ұнатар, көз әрліні ұнатар
• Тіл ерді қабырға салады, нарды қазанға салады
• Тіл ерді қабірге салар, нарды қазанға салар
• Тіл жүйрік емес, ой жүйрік
• Тіл жүйрік емес, шын жүйрік
• Тіл жүйріктен де озады
• Тіл қаруы - сөз
• Тіл қаруы - сөз, сөз қаруы - ой
• Тіл қоса алар жер мен көктің арасын, тіл айырар анасының баласын
• Тіл қылыштан өткір
• Тіл мәртебесі - ел мәртебесі
• Тіл сүйексіз болса да, сүйектен өтеді
• Тіл тас жарады, тас жармаса, бас жарады
• Тіл тәтті, бауыр қатты
• Тілге шешен, іске мешел
• Тілде тиек жоқ, ауызда жиек жоқ
• Тілдінің тілінен сақтан, сөздінің сөзінен сақтан. Көздінің көзінен сақтан
• Тілдің майын тамызып, сөздің балын ағызып, қас шешендер сөз айтар
• Тіленшіге жел қарсы
• Тілмен байланған қолмен шешілмейді
• Тілмен тікен де алады
• Тілсіз жерде тіршілік жоқ
• Тілі екеудің ділі екеу
• Тілі жеткенше сөйлеген - шешен, қолы жеткенше нұсқаған - көсем
• Тілі өлген ел - тірі өлген ел
• Тілін білгісі келмейтіндер - мәңгүрт
• Тілін білмеген түбін білмейді
• Тілін білмейтіндер емес, тілін білгісі келмейтіндер - мәңгүрт
• Тіліңмен жүгірме, біліммен жүгір
• Тіріге - сәлем, өліге - бата
• Тіріде жанға тыным жоқ, қызыл тілде буын жоқ
• Тіріде сыйласпаған, өліде жыласпайды
• Тіріде сыйласпаған, өліде жылыспайды
• Тірілігіміздің билігі «Арқар» ұранды төреде. Өліміміздің билігі «Алдияр» ұранды қожада
• Тіс - тілдің қамалы
• Тістем нанның қадірін тарыққанда білерсің, анық достың қадірін зарыққанда білерсің
• Тісі шыққан балаға, шайнап берген ас болмас